He tukatuka nō te rorohiko, ka taea te whakamahi i ngā paheko māmā, mō te tini o ngā tongiiti o ngā ata, ka mahi whakarara ngā paheko i te wā kotahi. Ka whakamahia hoki mō ngā tātai kē, nā te kaha ki te whakamahi i ngā tukatuka whakarara.
He tukanga tohutohu ki te whakaoti hopanga, mahinga rānei, ka whakaputaina he otinga mō ia wā e whakamahia.
He pāheko taketake, kei tētahi o ngā wāhanga o te hātepe.
Ko te kōpeketanga te tukanga kia whakaiti ai i tētahi mea. Mō ngā rorohiko, ko te kōpeketanga raraunga te whakamahi i ngā hātepe whakakōpeke ki te whakaiti i ngā kōnae, kia iti haere te wāhi rokiroki, ā, kia tere ake te whakawhitiwhiti i aua kōnae. Ka kimihia ngā wāhanga o te kōnae kua tōaitia me ngā wāhanga e taea ai te matapae hoki, ā, ka tukua kētia he waehere poto hei kawe i te mōhiohio mō te kōnae.
Ka kīia ia kore, tahi rānei, he moka (bit). He whakapotonga te kupu 'Bit' mō te 'Binary Digit', arā, he moka.
Ka tāpiritia te mati takitaki ki te mutunga o ngā nama nui, pērā ki te nama kāri nama, ngā pae waehere, ngā nama tuakiri, ngā nama tāke, ngā nama uruwhenua hoki, ka whakamahia te mati takitaki ki te takitaki mēnā he tika te patopato i te nama. Mō ētahi kaupapa ka whakamahia kia nui ake i te mati kotahi, mehemea ka pērā, ka kīia he tapeke takitaki (checksum).
Kei CS Unplugged, ka kīia ngā tauoti he nama pūnaha-tekau. He maha ngā momo kupu mō ēnei nama, ko te tauoti, te kaute i te pūtake-tekau, ko ngā tau maha, ko ngā tau raupapa hoki. Hei tauira mō ēnei nama ko te: 7, te 41 me te 1052.
Ka kitea te pūrite i ngā kōrero mō te whakatina hapa, nā te mea, ka mōhiotia whānuitia te tukanga pūrite mō te whakatina hapa. He tikanga māmā mō te pūrite, arā, he tohu tērā mēnā he taurua, he taukehe rānei te nama. Ko te putake o te kupu pākehā (parity) ko te kupu mō te takirua "pair" – ko te tikanga o te pūrite taurua/even parity kua taurua ngā mea i te kohinga (ka taea te noho takirua ngā mea), ā mō te pūrite taukehe, kāore e taea te noho takirua te katoa. Mehemea 5 ō tōkena mā, ka taukehe te pūrite, engari ka hiahia koe kia taurua te pūrite! Ka whakamahia te pūrite taurua i te mahere akomanga tahi, nā te mea he ngawari ake kia pērā; nā reira ko te "pūrite taurua" tētahi whakamārama kua taurua te kaute o tētahi rōpū.
Kei ngā rapu ā-raupapa, ka tirohia ia tuemi takitahi o te raraunga, ka whai tētahi ki tētahi ka haere tonu ki te wā ka kitea te tūemi i rapua ai. Ka taea te whakamahi i te rapu ā-raupapa i ngā raraunga katoa, kua kōmaka, kāore rānei (tērā pea, he pōturi pea mēnā kua kōmaka kē ngā raraunga!), Heoi anō, ko te rapu ā-raupapa anake te tukanga rapu mēnā he raraunga kāore i te kōmaka.
He momo hātepe e whakahaere ana i te rapunga o tētahi uara kei roto i te kua kōmaka (raupapahia). Ka kīia he rapu 'ā-tāhūrua' nā te mea, ia wā ka titiro ki tētahi uara o te rārangi, ka wehewehea te rārangi ki ngā wāhanga e rua, ko tētahi ka whakarērea, ko tētahi ka mau tonu. I tēnei horopaki, ko te tikanga o te kupu "tāhūrua", ko tētahi mea, e rua ngā wāhanga, pērā ki te paheko tāhūrua (he pāheko e hono ana i ngā uara e rua); he rerekē te rapu ā-tāhūrua i ngā nama tāhūrua.
Te momo rokiroki i te mōhiohiotanga. Ko ngā nama tētahi o ngā momo raraunga e kitea whānuitia ana (hei tauira, he nama pūkete, he nama kiritaki, he nama kāri, he tau rangatū, he nama putanga, te aha, te aha). Mō ngā kupu hoki pea (pērā ki ngā kupu e rapua), ngā rā, ngā ata hoki me te puoro. Ahakoa te aha e rokiroki ana i te pūmahara o te rorohiko, tērā pea he raraunga tērā; he maramara mōhiohio.
Ko te tikanga o te kupu raraunga taketake, ko ngā raraunga kāore anō kia uru ki te tukanga, kua kohia, engari kāore anō kia whakarauiritia, kia whakamahia rānei. Hei tauira, mehemea ka ine koe i te pāmahana o ia rā o te tau, ka puta tō kohinga o ngā nama, ka kīia ērā he 'raraunga taketake'. Mehemea ka whakawehewehea aua raraunga mō ia marama o te tau, ā, ka tātai koe i te toharite mō ia marama, ko tērā te 'raraunga tukatuka'.
Mā te rapu hapa e tirohia ai ngā rarunga kia kite ai mehemea kua tauheke ki te uara hē i te wā i rokiroki ai, i whakawhiti ai rānei aua raraunga.
Ka whakamahia te maha o ngā wae tukutuka ki te whakaoti i ngā wāhanga rerekē o te hopanga i te wā kotahi.
Ka whakahaerehia te papatono ki te wae tukatuka kotahi, ka raupapahia ngā tohutohu kia whai tētahi ki tētahi.
Ko te pūtake o te kupu Pākehā mō te tongiiti (arā te 'pixel') ko te picture element. I te mata o ngā rorohiko, ka hangaia te ataata ki tētahi tukutuku tapawhā iti, kei ia o ngā tapawhā tōna ake tae, ka kīia ēnei tapawhā he tongiiti.
E waru ngā moka ka whakarōpūngia ka kīia he waematihiko; ka rokiroki ngā rorohiko i te raraunga hei waematihiko. He pai te waematihiko hei rokiroki i ngā mea pērā ki ngā pūāhua māmā, ngā nama iti, me ētahi o ngā tae e whakamahia whānuitia, heoi anō, i ēnei rā, ko te nuinga o ngā mōhiohiotanga ka rokirokitia hei rōpū o ngā waematihiko.
He pūrere ka whakahaere i ngā papatono rorohiko. He whakapotonga te kupu CPU mō te "Central Processing Unit".
Kotahi te taumata pai ake i te rapu hapa, ko te whakatika hapa; i te wā ka kitea he hapa, ka whakamātau te pūnaha ki te whakahoki i te raraunga ki te uara tika o mua.
Ko te whakatina hapa te kupu mō ngā pūnaha ka rapu, ka whakatika rānei i ngā hapa.
He rōpū o ngā tīpona kua honohonoa, pērā ki te whatunga rorohiko, te mahere huarahi, tētahi whatunga kōmaka.